TA'PIES

Ano ini, Ta'pies, tapuyas

Na sa lanob nag-dudumig?

O suka, bai baya, o sagmaw

Na initsa kan pirot na katabang?


O bangraw na nalipudan

Kan dampog asin dagang nag-sasangaw?


O bangraw daw

Na nag-kukurahaw nin kamurawayan

Na natamu'rakan kan nag-iitom

Na bulan?


O suka na nagsusuriyaw

Nin anggot na napupuot

Na sa tulak dai natutunaw?


Bul-bul na nagbubulos paitaas?


Dugi' na may dugi o

Daga' na may daga,


Bako daw?


Nudi ini gayod lanob man sana

Na saaga pipinturahan na

Nin pink asin blue

Kan MMDA,

Ay isus.


(June 21 2010)